ბიტექსჩეინჯი პირველი ქართული კომპანიაა, რომელიც საკუთარ ბიტკოინ ბანკომატს აწარმოებს. ამჟამად, საქართველოს ტერიტორიაზე, ჩვენ 15 ბანკომატი გვაქვს განთავსებული. ჩვენ გამუდმებით ვმუშაობთ, რათა თქვენთვის საუკეთესო ტარიფები და სასიამოვნო გამოცდილება უზრუნველვყოთ.

გარეგნულად, კრიპტოვალუტის ბანკომატი სტანდარტული ბანკომატის და გადახდის აპრატის მსგავსია. მას გააჩნია ორი ფუნქცია – ეროვნული ვალუტის (ლარის) სანაცვლოდ კრიპტოვალუტის ყიდვა და კრიპტოვალუტის გაყიდვა ეროვნული ვალუტის სანაცვლოდ.

ბანკომატის ეკრანზე აირჩიეთ თქვენთვის სასურველი ენა და კრიპტოვალუტა - მაგალითად “ქართული” და “ETH” (ეთერიუმი). შემდეგ აირჩიეთ კრიპტოვალუტის შესყიდვა ან გაყიდვა. შესყიდვის შემთხვევაში, თქვენ მოგეცემათ საშუალება დაასკანეროთ თქვენი საფულის მისამართის QR კოდი. ამის შემდეგ, აპარატი გადავა ახალ ეკრანზე და კუპიურის მიმღები აინთება. შეიტანეთ სასურველი ოდენობის ბანკნოტები (მიიღება მხოლოდ ეროვნული ვალუტის ანუ ლარის კუპიურები). ეკრანზე ყოველი ახალი ბანკნოტის შეტანისას, თქვენ იხილავთ თუ რამდენი ერთეული კრიპტოვალუტა მოგდით. როდესაც გადაწყვეტთ ქოინების გაგზავნას, დააჭირეთ ღილაკს “გაგზავნა”. ამის შემდეგ თქვენი ქოინები გადაირიცხება და ეკრანზე იხილავთ ტრანზაქციის ყველა დეტალს. ასევე ამოიბეჭდება ქაღალდის ქვითარი, რომელიც საჭიროა რომ შეინახოთ. თუ აპარატს ქაღალდი ამოეწურა და ქვითარს არ ბეჭდავს, სურათი გადაუღეთ ბანკომატის ეკრანს - მასზე იგივე ინფორმაციაა გამოტანილი, რაც ქვითარზე იბეჭდება. 

კრიპტოვალუტის გაყიდვის შემთხვევაში, მთავარ ეკრანზე აირჩიეთ “გაყიდვა”. აირჩიეთ თუ რამდენი ლარის გამოტანა გსურთ და დააჭირეთ “გამოტანას”. ბანკომატის ეკრანზე გამოისახება ჩვენი საფულის QR კოდი. ეს QR შეიცავს ინფორმაციას თუ რა ოდენობა კრიპტო უნდა გადმოგვირიცხოთ, შესაბამისად თქვენი საფულე მისი დასკანერებისას არ საჭიროებს გადმოსარიცხი ოდენობის ხელით მითითებას. გადმორიცხეთ ქოინები და ბანკომატის ეკრანზე აირჩიეთ 'გადმოვრიცხე ქოინები'. თუ თქვენს მიერ მოთხოვნილი თანხა 100 ლარზე ნაკლებია ბანკომატი შესაბამის ბლოკჩეინის სკანირებისას ტრანზაქციის დანახვისთანავე გასცემს თანხას, სხვა შემთხვევაში თანხის გასაცემად შესასაბამის ბლოკჩეინში ტრანზაქციის მინიმუმ 1 დასტურის მიღება სჭირდება. თანხის მოგვიანებით გასანაღდებლად ბანკომატი მოგცემთ განაღდების ქვითარს, რომელიც აქტიურია 24 საათის განმავლობაში. ბლოკჩეინში დასტურის მიღების შემდეგ დაბრუნდით იმავე ბანკომატთან და მთავარ მენიუში აირჩიეთ 'გაანაღდე კოდით', დაასკანერეთ ქვითარზე მოცემული განაღდების QR კოდი და აიღეთ თქვენი თანხა. იმისთვის რათა ოპერაცია წარმატებით განხორციელდეს, გთხოვთ გადმორიცხოთ იმავე ოდენობის კრიპტო რაც აირჩიეთ ეკრანზე და რომელიც ასევე მოცემულია თქვენს განაღდების ქვითარზე.

ამჟამად ჩვენი ბანკომატების გამოყენებით შეგიძლიათ იყიდოთ და გაყიდოთ შემდეგი კრიპტოვალუტები: ბიტკოინი (BTC), ბიტკოინ ქეში (BCH), ეთერიუმი (ETH), ლაითკოინი (LTC), დეში (DASH)და ზიქეში (ZEC).

ჩვენ ყოველთვის ვცდილობთ საუკეთესო გაცვლითი კურსი შევთავაზოთ კლიენტებს.
ბანკომატების გაცვლითი კურსი დაკავშირებულია საერთაშორისო კრიპტოვალუტის ბირჟებთან, როგორიცაა bistamp, coinbase, და kraken. საერთაშორისო ბირჟებზე კრიპტოვალუტის ფასი მოცემულია ამერიკულ დოლარში. ლარში კონვერტაცია ხდება ავტომატურად, ეროვნული ბანკის გაცვლითი კურსის მიხედვით, რამაც შეიძლება გამოიწვიოს ფასთა შორის მცირე ვარიაცია.

როგორც წინა კითხვაში აღვნიშნეთ, მცირე თანხების გადარიცხვისთვის, გირჩევთ გამოიყენოთ ლაითკოინი (LTC), ან დეში (DASH). მათი გადარიცხვა ამჟამად 1 ლარზე ნაკლები ჯდება.

იხილეთ ჩვენი საკონტაქტო დეტალები, ან გამოიყენეთ ფორმა ამ გვერდის ბოლოს.